Mouloud Mammeri a dit
Mulud Mammeri yenna :
Yurra γef Si Muḥ u Mḥend , yura γeff Yussef u Qasi. Yewwiten dew laεnaya-s isers-iten deg usqif n ṭmana akken asen yesels tuddert I lebda.
Yenna Mulud Maεmmeri:
« Ass-a lewqat bedlen. Yiwen ur yezmir ad yeγḍel idles n weγref akka kkan εinani yernu s rda n imawlen-is”
Yunnag γer ccix Muḥend u Lḥusin, yugmed di tidmi-s laqayen aṣeγru n tafat akken a d-icerreg amendil n tatut wa ad yeffeγ γer tafat, amer talsa a d-ttẓẓer d acu i d- tamuγli n waqbayli γer timsal iccudden amaden γer wayeḍ, acu id t-yeqqenen γer tuddert, acu id t-yezdin γer yigenwen. Am wakken iud as yenna Jean Lmuhub εamruc:
Lḥif yugaren lḥif, mi ara nilli nella lamaεni amzun nγab. Nettawi deg ul tumert n wid yedran, d uḥulfu n tillin-nneγ yezdin d uḥulfu n tarzeg s war tilin n yixfawen nneγ. Tayematt id -aγ yesburen laεnaya, tamurt d wakal ara yejemεen deg yiciwi-s, d nitini i d-tafaka iγ- iccuden γer ugni n war tilin nneγ. nezmer ad ninni ma yehwayeγ yewwi-yeγ γer yixef n wasmi d teflali tuddert. D nitini id-aγ yeqnen γer kra akken id-–aγ inesren si gar iffassen. S wakka yettban belli innig akked unejli llan kan d udmawen n wayen iten-yugaren acku nnig timura deg i d-nettlal ,ilaq a nefreẓ lexyal n lǧennet yeγban. Di tilawt kra yellan di dunnit d yiwen i d udem-is !
Urar n tuddert akked d lmut, werǧin jlan deg tidmi n Mulud Maεmmeri. Yeẓra deg tallalit talla tmattent deg tmattent tettilid tlalit. Kra ur yerwil γef kra. Leḥmala tetterwed lkerh, lkerh yettnawal tayri . seg ixef n ta I yettewweḍ wul γer yixef n tihin.
Yenna Mulud Maεmmeri:
Xas yemgared udem n lmut, lamaεni I merra udmawen-is d imasasen. Mača tella lmut yugaren yak tiyaḍ d tamettent n yidles. Tagi d timurseγ ur nesεi amtil imi acku tella-d mgal laεqel d lmaεqul. Nezmer ad –as nkallex i kra yellan s wawal yezazelen tikerkas, nezmer a nezuzen tuddert s ubeḥri n leγrur, maεna du leqrar tilwat aγ-teîîef gar tuccar-is”
Mulud Mammeri, yeẓra ansi id yettek ubeḥri n leγrur. Mi nzan yergazen, mi iten-iγur uṣurdi tuγalen d aεakkaz n lbṭal yeseqdac udabu mgal wid yettanadin γef tafat. Yeẓra diγ xas ihuz yiffer n useklu s waγu n ẓur i d-iṣuḍen, ma yersa uẓar deg akal ur yelli d acu ara t-yesenquqlen.
Yenna Mulud Maεmmeri:
“Teqqar-d-as wihin iccennun timuzγa d acu i d-iswi-s ? D tidett cennuγ timuzγa. idles amaziγ d ayla-w. Maça ḥader ad tettuγ belli ula d keçç id-as- id yekren d-axsim dayla-k. Tamaziγt d yiwen udem n timadit- –nneγ, tebγiḍ neγ tuggiγ. Terenu azal i nekwa-nneγ, tettega-yas ccan, t-ttessu zdat-as abrid n tneflit. £ef waya d lwejb-iw( am wakken d lwejeb-ik ula d kečč) mačči kkan ad neseḥbiber fell-as, lamaεni as negg yakk alalen s wacu ara tefti wa ad tenerni”
Mulud Mammeri yegger tamuγli γer zdat. Γer uzekka acku yeẓra belli azekka, ibeddu ass-a. Ayen ibeεden di tidet yeqrab. Ayen yellan d awezγi ikennu zdat n lebγi n yemdanen. Dirgazen d tilawin i-ibennun taγerma, mačči d teγerma i –irefden igduden. Win yebγan yiddir yemmet, win yebγen ad yemmet tewwid ad yidir.
Yenna Mulud Maεmmeri:
“Ticki dan-t timsel mxalfa am laεwayed –nsen-t. Ticki di ṭfent di neqma i umdan, ticki abrid deg tleḥuγ yassawen ,zmumeg-as I wuggur tεediḍ, γurek ad tereḍ aḍar!
Xas kra teεniγ yuggi ad yeddu akken tebγiḍ, ur –as ttεemid i facal ak yeṭtef afus. Xas kulci imal, yettban yeẓay acumumeḥ n waggaḍ γer yiswi ur tezriγ melmi ad yaflali. Tuddert tessewhem s ssin n wudmawen-is: s rbeḥ-is akk d lexṣara-s.qqaren d dwem i-iqeγεen lewhem”
Facal yegguni amadan umu reqiq lḥal. Ma γer at rẓana d ûûber , éran belli simmal tkerres, simmal telha i tulya. Yal accudu mexdum akken ad yefsi !
Yenna Mulud Maεmmeri:
Acku
Ticki fad yeseḥreq deg ulawen
Ticki laẓ igezzem deg yiẓermen
Zun akken n rennu asγar i tafa
£er tagara…
Yiwen usγar seg uffus n wakli
Yezmer ad yessiγ
Deg igenni n rebbi
Deg ulawen n lγaci
Times
Tin ur nxetti.
Ait Slimane Hamid